Ulajhi Padi hai jo gutthiya zindagi ki
Mann Karta hai uski har ek gaanth khol doon,
Palkon kee aut se jhankataa hai roshni ka tukada, Jo koi
Band aankho ke darawaze unke liye khol doon,
Begaani si dhun jo khanakati hai hardam kanoo main
Sajaakar suroon se use, bana koi geet anamol doon,
Bujhi bujhi gumsum si hai jo saanjh ki dehri
Natkhat chandani usaki paidhi par dhol doon,
Bhataki hai jo khushi talash main rastoon ki manziloon ki
Hath tham kar usko raahon par moud doon,
Ulajhi Padi hai jo gutthiya zindagi ki
Mann Karta hai uski har ek gaanth khol doon,
8 comments:
bas yeh sab karne ki koi tarkeeb apne haathion mai hoti toh zindagi yu hi kat jaati, nai???
jitne in haathon ke lakiro ko modne dekhun, aur mod bhi lun,
fir koi aakar inhe purani tarah taraash leta hai...
zindagi ko wahi mode pe le khada kar deta hai...
p.s.
and if you have found a secret way of doing things...please lemme know...
:)
@humble devil
aree!!!wo secret way pata hota to u think i would have written this poem...
ulajhane suljhane ki chaabi hoti to phir gam hi kya tha!!
badhiya panktiyaan likhi hain aapne. bus thoda hindi kee matraaon per dhyan dijiye.
its the way we look at it, glass half-full or half-empty!
Everything happens for good, trust me, we realize the good later!
No sad moments, no uljhan, no meaning to life.
A rose is not a rose without thorns!
Man to bahut kuchh karta hai lekin bus man hi karta hai, bahut se uljhane hain jo samajh me bhi nahi aati.
Lekin zindagi hi to hai jo hai har baar naye nazare hai dikhati.
Good one ;)
Man to bahut kuchh karta hai lekin bus man hi karta hai, bahut se uljhane hain jo samajh me bhi nahi aati.
Lekin zindagi hi to hai jo hai har baar naye nazare hai dikhati.
Good one ;)
@ me thinks
Hmmmm bas isi aas main to jiye ja rahe hai..
@cosmos
rite par kya kare dil hai ki manta nahi ;)
wow!!!
man to chanchal hai bahut kuch sochta hai.par kash wo pura bhi ho pata
nice poem with great thinking
Post a Comment